Parlament Májilisine ótetin-ótpeitinimizdi sailaý sheshedi, biraq zańnamanyń jerdi Qazaqstannyń aýylsharýashylyǵy eńbekkerleriniń ózi iemdenip, ózi igerýine jaǵdai jasaityndai etip ózgerýine atsalysýymyz kerek. Bul týraly «Aýyl» halyqtyq-demokratiialyq patriottyq partiiasy ótkizgen seminarda aityldy, dep habarlaidy QazAqparat.
«Jer máselesi – kún tártibinen túspei turǵan suraqtardyń biri. Ózderińiz biletindei, Prezident Jer zańnamasyna moratorii jariialaǵan. Kóptegen másele Jer zańnamasynyń jetildirýin kútip otyr. «Aýyl» partiiasynyń aýylǵa, aýyl sharýashylyǵy sektoryna tikelei qatysy bar, sondyqtan jerge qatysty máseleniń barlyǵyna aralasýymyzǵa týra keledi. Parlament Májilisine ótetin-ótpeitinimizdi sailaý sheshedi, biraq jerdiń sheteldikterge satylmaý, sheteldikterge jalǵa berilmeý máselelerine, zańnamanyń jerdi Qazaqstannyń aýylsharýashylyǵy eńbekkerleriniń ózi iemdenip, ózi igerýine jaǵdai jasaityndai etip ózgerýine atsalysýymyz kerek», - deidi «Aýyl» halyqtyq-demokratiialyq patriottyq partiiasynyń tóraǵasy Áli Bektaev.
Onyń aitýynsha, mundai seminar-trening bolashaqta jii ótkiziletin bolady.
«Aýyl sharýashylyǵyna qatysty másele kóp. Bolashaqta aýyl sharýashylyǵy kooperatsiiasy týraly, aýyl sharýashylyǵyndaǵy jaiylym máselesi boiynsha, aýyl sharýashylyǵy ónimderin qaita óńdeýge qatysty, taza organikalyq ónimderdi óndirý máselesi boiynsha, sondai-aq ulttyq qundylyqqa, tilge qatysty seminar-trening ótkizemiz», - deidi ol.
