Tanymal saiasattanýshy, Eýropalyq quqyq pen adam quqyǵy saraptamalyq institýtynyń direktory Marat Bashimov Prezident qol qoiǵan «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» Zańǵa qatysty pikir bildirdi, dep habarlaidy Baq.kz portaly.
Prezident Qasym-Jomart Toqaev jer qatynastaryn damytý boiynsha mańyzdy Zańǵa qol qoidy. Bul zańdy halyq uzaq kútti. Oǵan úlken úmit pen senim artty. Memleket basshysynyń tapsyrmasymen jer komissiiasy qurylyp, uzaq talqylaýdan keiin olar bul baǵyttyǵa sybailas jemqorlyqty tamyrymen joiatyn júzden astam naqty baǵyttar men qadamdardy usyndy. Mańyzdy degen barlyq normalar zańda kórinis tapty. Ózgeristerge qarsy shyqqandar da boldy. Alaida Memleket basshysynyń jerdiń sheteldikterge satylmaityny týraly sheshimi Zańnyń qabyldanýyna úlken negiz boldy. Bul másele qoǵamda úlken rezonans týǵyzǵan bolatyn. Qoǵam Memleket basshysynyń bul sheshimin qoldady, - dedi ol.
Ol zańda kórinis tapqan negizgi ózgeristerge toqtaldy.
Zań aiasynda qazaqstandyqtar jerdi 49 jylǵa jalǵa alý, arenda merzimi ótken soń ony uzartý múmkindigine ie boldy, jer qatynastary komitetterine memlekettik baqylaý fýnktsiiasy qaitaryldy. Jergilikti jerdiń jaǵdaiy men halyqtyń qajettiligin eskerý arqyly jaiylymdyq jerlerdiń shekaralary bekitildi. Barlyq órkenietti elder siiaqty – aýylsharýashylyq maqsattaǵy jerlerdi paidalaný týraly aqparat memlekettik jer kadastrynyń internet resýrsyna júktelip, halyq úshin ashyq aqparat retinde usynylady. Buryn aqparatty jariia etpeý halyq arasynda narazylyq týyndatyp, kóńilderine kúdik uialatatyn. Qazaqstandyqtarǵa aýylsharýashylyq maqsattaǵy jerdi jekemenshikke berý týraly moratorii merzimi 2026 jyldyń 31 jeltoqsanyna deiin uzartyldy, - dep atap ótti ol.
Bashimovtyń aitýynsha, jańa zań syibailas jemqorlyqqa jol berip kelgen kóptegen múmkindikterge tosqaýyl qoidy.
Mysaly, Zańnyń 97-babyna sharýa qojalyǵyna berilgen jerdiń maqsatyn baý-baqsha úshin nemese saiajai qurylysyna dep ózgertýge tyiym salyndy. Buryn osy salada aýylsharýashylyq maqsattaǵy jerdi basqa qurylysqa paidalanýǵa jol berilip kelgen. Osylaisha kóptegen jer ýchaskeleri maqsatsyz paidalanylyp keldi. Zańǵa engizilgen ózgeris bul kóleńkeli áreketke tosqaýyl qoiady. Osyndai oń ózgeristerdiń barlyǵy Memleket basshysynyń adal qoǵam jáne tiimdi memleket qurý saiasatynyń negizinde múmkin boldy. Onyń ashyq bolýǵa úndeitin «halyq únine qulaq asatyn memleket» qurýǵa baǵyttalǵan osy saiasaty halyqqa qajet jáne olardyń úddesinen shyǵatyn zańnyń qabyldanýyna negiz boldy, - dep atap ótti Marat Bashimov.
