Jer reformasy jónindegi komissiianyń birinshi otyrysy jumysyn bastady, dep habarlaidy "Ult aqparat".
Sanitarlyq normalardy saqtaý qajettiligine bailanysty komissiia jumysy Aýyl sharýashylyǵy ministrliginiń resmi saitynda jáne Facebook paraqshasynda onlain kórsetilýde.
Esterińizge sala ketsek, Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev bir aidyń ishinde jer reformasy jónindegi komissiiany quryp, 25 naýryzda jumysqa kirisýdi, komissiianyń quramyna agrarlyq sektordyń bedeldi ókilderin jáne jer máselesin jetik biletin sarapshylardy qosýdy tapsyrǵan bolatyn.
Sondai-aq, Memleket basshysy Úkimetke biylǵy tamyz aiynyń sońyna deiin jer reformasynyń negizgi máseleleri boiynsha ortaq mámilme arqyly túbegeili bailam jasaýdy mindettegen edi.
Al 23 naýryzda QR Premer-Ministri Asqar Mamin «Jer reformasy boiynsha komissiia qurý týraly» jylǵy «№ 62-ó» ókimge qol qoidy. Atalǵan ókimge sáikes, komissiia tóraǵasy bolyp QR Premer-Ministriniń orynbasary Eraly Toǵjanov, al onyń orynbasary bolyp QR Aýyl sharýashylyǵy ministry Saparhan Omarov bekitildi.
