Jer reformasy boiynsha qoǵamdyq komissiianyń tóraǵasy Asqar Myrzahmetovtyń aitýynsha, Prezident aýyl sharýashylyǵy jerlerin qazaqstandyqtarǵa jeke menshikke satý jáne sheteldikterge jalǵa berýge jariialanǵan moratoriidi taǵy bes jylǵa uzartýdy qoldasa, Jer komissiiasynyń jumysy toqtatylady. Onsyz komissiia taratylmaidy, dep habarlaidy Baq.kz tilshisi.
«Eger Prezident moratoriidi uzartý týraly sheshim shyǵarsa, onda komissiia óz jumysyn toqtatady. Ondai sheshim qabyldansa, Jer komissiiasynyń qajettiligi shamaly. Óitkeni, ary qarai ol jumysty Aýyl sharýashylyǵy ministrligi atqaratyn bolady Al komissiia músheleri tarapynan qyzyǵýshylyq bolsa, onda ministrlikke kelip, birlesip jumys isteýge bolady», - dedi A.Myrzahmetov jýrnalisterge bergen suhbatynda.
QR Premer-ministriniń orynbasary – QR Aýyl sharýashylyǵy ministri A.Myrzahmetovtyń sózine qaraǵanda, komissiianyń qazirgi usynystaryn quziretti memlekettik organdarmen pysyqtap alý qajet. Sodan keiin, osy usynystar Parlamenttiń qaraýyna usynylady.
.jpeg)