Qazaqstan jer qatynastaryn basqarýda 1942 jylǵy qupiia koordinattardy paidalanyp otyr. Jer reformasy jónindegi komissiianyń úshinshi otyrysynda osyndai másele kóterildi, dep habarlaidy "Ult aqparat".
Jer reformasy jónindegi komissiianyń ekonomikalyq máseleler jónindegi jumys tobynyń basshysy Aqylbek Kúrishbaev jer qatynastaryn tsifrlandyrýǵa kedergi keltirip otyrǵan basty tosqaýyldy atady.
«1942 jylǵy qupiia koordinattar júiesin paidalanýdan biryńǵai koordinattar júiesine aýysýymyz qajet. Bul suraq jer qatynastaryn tsifrlandyrýdyń negizi bolyp tabylady. Qazirgi tańda TMD memleketteriniń ishinen atalǵan 1942 jylǵy eski kordinattar júiesinde tek Túrikmenstan men Qazaqstan ǵana qalǵan. Iaǵni, bul máselede biz qatty qalyp otyrmyz. Usynys – jer resýrstaryn basqarýda 1942 jylǵy qupiia koordinattar júiesinen biryńǵai koordinattar júiesin paidalanýǵa tezirek kóshý», - dedi jumys tobynyń basshysy.
Jiynda Aqylbek Kúrishbaev halyqqa jaiylymdyq jer berýde biýrokratiia óte kóp ekenin aitqan bolatyn.
Osy aptada Májilis jerdi sheteldikterge berýge birjola tyiym salýdy kózdeitin zań jobasyn maquldady.
