قازاقستان جەر قاتىناستارىن باسقارۋدا 1942 جىلعى قۇپييا كوورديناتتاردى پايدالانىپ وتىر. جەر رەفورماسى جٶنٸندەگٸ كوميسسييانىڭ ٷشٸنشٸ وتىرىسىندا وسىنداي مەسەلە كٶتەرٸلدٸ, دەپ حابارلايدى "ۇلت اقپارات".
جەر رەفورماسى جٶنٸندەگٸ كوميسسييانىڭ ەكونوميكالىق مەسەلەلەر جٶنٸندەگٸ جۇمىس توبىنىڭ باسشىسى اقىلبەك كٷرٸشباەۆ جەر قاتىناستارىن تسيفرلاندىرۋعا كەدەرگٸ كەلتٸرٸپ وتىرعان باستى توسقاۋىلدى اتادى.
«1942 جىلعى قۇپييا كوورديناتتار جٷيەسٸن پايدالانۋدان بٸرىڭعاي كوورديناتتار جٷيەسٸنە اۋىسۋىمىز قاجەت. بۇل سۇراق جەر قاتىناستارىن تسيفرلاندىرۋدىڭ نەگٸزٸ بولىپ تابىلادى. قازٸرگٸ تاڭدا تمد مەملەكەتتەرٸنٸڭ ٸشٸنەن اتالعان 1942 جىلعى ەسكٸ كورديناتتار جٷيەسٸندە تەك تٷرٸكمەنستان مەن قازاقستان عانا قالعان. ياعني, بۇل مەسەلەدە بٸز قاتتى قالىپ وتىرمىز. ۇسىنىس – جەر رەسۋرستارىن باسقارۋدا 1942 جىلعى قۇپييا كوورديناتتار جٷيەسٸنەن بٸرىڭعاي كوورديناتتار جٷيەسٸن پايدالانۋعا تەزٸرەك كٶشۋ», - دەدٸ جۇمىس توبىنىڭ باسشىسى.
جيىندا اقىلبەك كٷرٸشباەۆ حالىققا جايىلىمدىق جەر بەرۋدە بيۋروكراتييا ٶتە كٶپ ەكەنٸن ايتقان بولاتىن.
وسى اپتادا مەجٸلٸس جەردٸ شەتەلدٸكتەرگە بەرۋگە بٸرجولا تىيىم سالۋدى كٶزدەيتٸن زاڭ جوباسىن ماقۇلدادى.
