Jer berý tártibin ózgertýdi kózdeitin zań jobasy ázirlendi. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy QazAqparat.
«Memleket basshysynyń tapsyrmasyna sáikes ministrlik jer qatynastary salasyn tsifrlandyrý jáne damytý máseleleri boiynsha zań jobalaý jumystaryn júrgizýde. Olar jer berýdiń qazirgi tártibin tsifrlyq tehnologiialardy engizý jolymen tujyrymdamalyq túrde ózgergýdi kózdeidi jáne tikelei berý jolymen ári saýda-sattyq júrgizý arqyly jer ýchaskelerin berýdiń elektrondyq tártibin aiqyndaidy», - dedi ministr.
Bul rette ol qaǵazsyz qyzmet kórsetý, kommýnaldyq qyzmettermen jer ýchaskelerin berýdi kelisý rásimin avtomattandyrý engiziletinin aitty.
«Zań jobasy múddeli ortalyq memlekettik jáne jergilikti atqarýshy organdarmen kelisildi. Sondai-aq ol boiynsha ǵylymi saraptamalar alyndy. Zań jobasyn Qazaqstan Respýblikasynyń Premer-Ministri Keńsesi odan ári qaraý úshin Parlamentke joldady»,- dedi Saparhan Omarov.
