Jer alý protsesterin jeńildetetin biryńǵai elektrondyq karta jasalady, dep málimdedi «Azamattarǵa arnalǵan úkimet» memlekettik korporatsiia» KEAQ Basqarma tóraǵasy Abylaihan Ospanov.
«Elimizde jer alý máselesi qiyn. Nege? Ol qaǵaz kúiinde bolǵandyqtan qiyndap ketti. Adamdar aryz jazady, kelisim alý úshin 12-den asa ortalyqqa joldanady. Al, bul protsesterdiń barlyǵy biryńǵai elektrondyq karta arqyly júzege asatyn bolsa, burynǵydai 12 ortalyqtyń kelisimi qajet bolmai qalady. Óitkeni biryńǵai elektrondyq kartada jer týraly barlyq málimetter kórsetiledi», – dedi A. Ospanov.
Onyń aitýynsha, zańsyz jer alýshylar men zańsyz qurylyspen ainalysatyndar da tsifrlandyrý protsesiniń aiasynda azaiatyn bolady.
«Ushqyshsyz apparattar jáne drondar monitoring jasap, jer telimderin baqylap otyrady. Osylaisha, biz zań buzýshylyqtardy tsifrlyq tehnologiialardyń kómegimen anyqtai alamyz», – dep túiindedi «Azamattarǵa arnalǵan úkimet» memelekettik korporatsiiasynyń Basqarma tóraǵasy.
Esterińizge sala ketelik, HQKO 2007 jyly tóreshildik pen ákimshilik kedergilerdi joiý maqsatynda qazaqstandyqtarǵa bir tereze qaǵidaty boiynsha memlekettik qyzmetter kórsetý úshin quryldy. Barlyǵy úshin teń qoljetimdilikti qamtamasyz etý, túrli organdardyń qujattaryn daiyndaý jónindegi qyzmetterdi bir jerde alý múmkindigin jasaý, sondai-aq qujattardy oryndaýshy men azamattardyń arasynda tikelei bailanysty boldyrmaý HQKO nyń basty oń qasietterine ainaldy. Elbasy tapsyrmasy boiynsha elimizde júzege asyrylyp jatqan «bir tereze» jobasynyń tiimdiligi tolyq dáleldenip otyr.
Sonymen qatar búginde HQKO arqyly aqyly qyzmetter kórsetý jumysy qarqyndy júrýde. Aldaǵy ýaqytta da bul qyzmetti barlyq tutynýshylar paidalana otyryp ýaqyt únemdep tez arada qujattaryn daiyndatyp alýyna bolady. Qyzmet jeke jáne zańdy tulǵalarǵa kórsetiledi.HQKO ári qarai da halyqqa jemisti eńbek ete bermek.
