Qurmetti dostar! Barsha qazaqstandyqtar!
Sizderdi Qazaqstan Respýblikasynyń Táýelsizdik kúni merekesimen shyn júrekten quttyqtaimyn! Táýelsizdigimizdiń 25 jyldyq mereitoiyna eńsesi biik, áleýeti zor, eldigi qalyptasqan memleket retinde jetip otyrmyz.
El Táýelsizdiginiń 25 jyldyǵy - Biz úshin qasietti de qasterli mereke. Shirek ǵasyr aralyǵynda memlekettik rámizderi, ulttyq valiýtasy, óz ana tili, Ata zańy bar derbes ári ekonomikasy damyǵan memleketter qataryna qosyldyq. Azattyq jyldaryndaǵy elimizdiń damý tarihyna QR Investitsiialar jáne damý ministrligi de súbeli úles qosty. Ekonomikamyz damydy, óndiris oshaqtary ashyldy, el men eldi jalǵaityn úlken jobalar iske asty. Qazaqstan - postkeńestik elderdiń ishinde birinshi bolyp "Sheteldik investitsiialar týraly" zań qabyldady. Sonyń arqasynda keń kólemde investitsiia tartyp, halyqty jumyspen qamtamasyz etip kelemiz. Tek shikizatqa iek artpai, óndiristi de qolǵa aldyq. Búginde Qazaqstannyń shetelge eksporttaityn taýar túrleri 500-den asty. Bul aqyrǵy meje emes. Memleket búginde uzaq merzimdi jospary men damý baǵytyn aiqyndap aldy. Memlekettik baǵdarlamalar qabyldanyp, Qazaqstan búginde damyǵan 30 eldiń qataryna qosylýǵa kúsh salyp jatyr.
Shirek ǵasyrda jetken jetistikterimiz ben baǵyndyrǵan belesterimiz eń aldymen Memleket basshysynyń ustanǵan baǵyty men eldegi birlik pen yntymaqtyń nátijesi. Barshańyzdy Elimiz úshin eń mańyzdy merekemen quttyqtai otyryp, otanymyzǵa tynyshtyq, otbasylaryńyzǵa amandyq tileimin!
Investitsiialar jáne damý ministri Jeńis Qasymbektiń feisbýktegi jazbasynan
