Jeńil formada aýyryp shyqqandar úshin ornyqty jasýsha immýnitetin qoldaýǵa vaktsinalaý kerek bolady.
Bul týraly UMS klinikalyq immýnologiia, allergologiia jáne pýlmonologiia baǵdarlamasynyń jetekshisi, «AstMÝ» KeAQ Nefrologiia, gematologiia, allergologiia jáne immýnologiia kýrsymen ishki aýrýlar kafedrasynyń aǵa oqytýshysy Elena Kovzel aitty, dep habarlaidy QazAqparat.
«Ǵylymi negizdelgen málimetterge toqtalsaq, aýyryp shyqqan patsientterde úshinshi-altynshy aida antidenelerdiń nóldik deńgeige deiin tómendegenin kórip júrmiz. Atalǵan adamdarda saqtalatyn jasýsha immýniteti jetkiliksiz bolýy múmkin. Jeńil formada aýyrǵandarda ornyqty jasýsha immýnitetin qoldaý úshin vaktsinalaý qajet ekeni anyq», - dedi E. Kovzel Ortalyq kommýnikatsiialar qyzmetinde.
Onyń aitýynsha, patsienttiń densaýlyq jaǵdaiyna baǵalaý júrgizip otyrý kerek.
Qandai da bir virýstyq infektsiianyń, aýtoimmýndyq aýrýlardyń bolýyn tekserý úshin ekpe saldyrar aldynda mindetti túrde tekserý kerek.
Budan buryn Elena Kovzel koronavirýsqa qarsy vaktsina sipattamasyn aityp berdi.
