Jenevadaǵy halyqaralyq avtosalon juma kúni Shveitsariia biligi koronavirýstyń taralýyn toqtatý maqsatynda jappai sharalarǵa tyiym salý týraly buiryq jariialaǵannan keiin toqtatyldy, dep habarlaidy QazAqparat.
5-15 naýryz aralyǵynda ótýi tiis Eýropa avtomobil indýstriiasy tanymal kórmesi jetekshi óndirýshilerdiń kóptegen jańa ónimderin kórsetýge daiyndalǵan edi.
Shveitsariia biligi myńnan astam adam qatysatyn sharalardyń 15 naýryzǵa deiin toqtatylatyndyǵyn jariia etti.
«Bul qadam Shveitsariia turǵyndary men qoǵamdyq densaýlyq saqtaýdy qorǵaýy tiis», - delingen Shveitsariia federaldyq keńesiniń málimdemesinde.
«Bul Shveitsariiada aýrýdyń taralýynyń aldyn alady», - dep atap ótti Shveitsariia biligi.
Qazirgi ýaqytta elde toǵyz adam koronavirýs juqtyrǵan, dep habarlaidy The Local.
Ótken jyly Jeneva avtosalonyna 600 myń adam kelgen.
Aita keteiik, budan buryn osy aida koronavirýstyń órshýine bailanysty Barselonada Mobile World Congress mobildi tehnologiialar halyqaralyq kórmesi toqtatylǵan edi.
