QR Sybailas jemqorlyqpen kúres qyzmetiniń basshysy Alik Shpekbaev Atyraý oblysyndaǵy «Teńizshevroil» JShS-niń jobalarymen tanysty, dep habarlaidy "Ult aqparat".
Atyraý oblysyna jumys sapary barysynda QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev pen oblys ákimi Mahambet Dosmuhambetov Teńiz kenishinde boldy. Onda olar «Teńizshevroil» JShS-nyń Teńiz kenishin igerý jónindegi jobalarymen tanysty.
«Keńeitý jobasyn iske qosý 2022 jyly saǵa qysymymen basqarý jobasy iske qosylǵannan keiin, iaǵni 2023 jylǵa josparlanyp otyr. Jobalar júzege asyrylǵan soń Teńizdegi shiki munaidy óndirý qýaty jylyna 12 mln tonnaǵa nemese táýligine 260 barrelge jetetin bolady. Nátijesinde jyldyq ónim 39 mln tonna bolady»,-dedi «Teńizshevroil» JShS keńeitý jáne saǵa qysymyn basqarý jobasynyń direktory Mik Kreili.
Qurylys nysandarymen tanysqan soń agenttik basshysy Alik Shpekbaev álemdegi iri energetikalyq jobalardyń qurylys jumystaryn júrgizý tehnologiialarymen tanysty.
Teńizshevroil ókilderi qurylys-montajdyq jumystardyń kúrdeliligin aitty. Olar qurylys barysynda óndiristik qaýipsizdik máselesine basa kóńil bólinetinine nazar aýdardy.
Sybailas jemqorlyqpen kúres agenttiginiń basshysy Alik Shpekbaev kompaniia ókilderine sybailas jemqorlyq áreketteri oryn ala qalǵan jaǵdaida agentike tikelei habarlasý múmkindigi bar ekenin jetkizdi.
