2020 jyly Qazaqstanda jemqorlyq qylmystary úshin 150-ge jýyq adam sottaldy. Bul týraly búgin QR Sybailas jemqorlyqqa qarsy is-qimyl agenttiginiń onlain-brifinginde aityldy, dep habarlaidy "Ult aqparat".
Málim etilgendei, byltyr sybailas jemqorlyq úshin 149 adam sottaldy. Onyń ishinde para alǵan – 33 adam, para bergen – 73, alaiaqtyq jasaǵan – 21, urlyq jasaǵan – 11, laýazymdyq ókilettikterin teris paidalanǵan – 8 adam bar.
Bas bostandyǵynan aiyrýǵa – 42 adam, bas bostandyǵyn shekteýge – 12 adam, aiyppuldarǵa – 90 adam, qalǵandary shartty merzimge ne merzimin keiinge qaldyra otyryp sottaldy (5).
Qosymsha jazalaý sharalary 176 adamǵa qatysty qoldanyldy (bir adamǵa qatysty birneshe qosymsha jazalaý sharasy qoldanylýy múmkin): 145 adam – belgili bir laýazymdy atqarý nemese belgili bir qyzmetpen ainalysý quqyǵynan aiyryldy, 29 adam – arnaýly, áskeri nemese qurmetti ataǵynan, synyptyq sheninen, diplomatiialyq dárejesinen, biliktilik synybynan jáne memlekettik nagradalarynan aiyryldy, 2 adam múlki tárkilenip, sottaldy.
