2020 جىلى قازاقستاندا جەمقورلىق قىلمىستارى ٷشٸن 150-گە جۋىق ادام سوتتالدى. بۇل تۋرالى بٷگٸن قر سىبايلاس جەمقورلىققا قارسى ٸس-قيمىل اگەنتتٸگٸنٸڭ ونلاين-بريفينگٸندە ايتىلدى, دەپ حابارلايدى "ۇلت اقپارات".
مەلٸم ەتٸلگەندەي, بىلتىر سىبايلاس جەمقورلىق ٷشٸن 149 ادام سوتتالدى. ونىڭ ٸشٸندە پارا العان – 33 ادام, پارا بەرگەن – 73, الاياقتىق جاساعان – 21, ۇرلىق جاساعان – 11, لاۋازىمدىق ٶكٸلەتتٸكتەرٸن تەرٸس پايدالانعان – 8 ادام بار.
باس بوستاندىعىنان ايىرۋعا – 42 ادام, باس بوستاندىعىن شەكتەۋگە – 12 ادام, ايىپپۇلدارعا – 90 ادام, قالعاندارى شارتتى مەرزٸمگە نە مەرزٸمٸن كەيٸنگە قالدىرا وتىرىپ سوتتالدى (5).
قوسىمشا جازالاۋ شارالارى 176 ادامعا قاتىستى قولدانىلدى (بٸر ادامعا قاتىستى بٸرنەشە قوسىمشا جازالاۋ شاراسى قولدانىلۋى مٷمكٸن): 145 ادام – بەلگٸلٸ بٸر لاۋازىمدى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ايىرىلدى, 29 ادام – ارناۋلى, ەسكەري نەمەسە قۇرمەتتٸ اتاعىنان, سىنىپتىق شەنٸنەن, ديپلوماتييالىق دەرەجەسٸنەن, بٸلٸكتٸلٸك سىنىبىنان جەنە مەملەكەتتٸك ناگرادالارىنان ايىرىلدى, 2 ادام مٷلكٸ تەركٸلەنٸپ, سوتتالدى.
