Foto: pexels.com
Cybailas jemqorlyq týraly habarlaǵan Qazaqstan azamattaryna 28,9 mln teńge tólendi - bul málimetterdi Antikordyń resmi ókili Daniiar Biǵaidarov brifingte aitty, dep habarlaidy Ult.kz tilshisi.
Biǵaidarovtyń aitýynsha, azamattardyń árbir habarlamasy boiynsha tiisti sharalar qabyldanady.
"Jetkilikti derekter men negizder bolǵan jaǵdaida sotqa deiingi tergeý bastalady. Biz sybailas jemqorlyq quqyq buzýshylyǵy týraly habarlaǵan nemese sybailas jemqorlyqqa qarsy kúreske basqa jolmen kómektesken tulǵalarǵa aqshalai syiaqy tólenetinin eske salamyz. Eger kináli tulǵaǵa qatysty sottyń zańdy kúshine engen qaýlysy nemese aiyptaý úkimi bolsa. Marapattaý erejelermen retteledi jáne sybailas jemqorlyqqa múldem tózbeýshilikti qalyptastyrýdyń tiimdi yntalandyrýshy mehanizmi bolyp tabylady," - dedi ol.
Onyń aitýynsha, syiaqy mólsheri qazirgi ýaqytta somanyń 10%-na deiin, biraq 4 myń AEK-ten aspaidy.
"Sybailas jemqorlyq týraly habarlaǵany úshin 15 mln teńgege deiin syiaqy alýǵa bolady. Jyl basynan beri Agenttiktiń aýmaqtyq departamentteri sybailas jemqorlyqqa qarsy kúreske kómektesken 76 adamdy 28,9 mln teńge kóleminde aqshalai syiaqymen marapattady. Kóptegen ótinishter qylmystyq nemese ákimshilik jaýapkershilikke tartpaý úshin para talap etý, ókilettikterdi asyra paidalaný, qoldaý kórsetý, memlekettik satyp alý salasyndaǵy zańbuzýshylyqtar jáne basqa da laýazymdy tulǵalardyń zańsyz áreketterine qatysty," - dep atap ótti Daniiar Biǵaidarov.
