Foto: © lada.kz
Aqtaý turǵyny Lada.kz redaktsiiasyna balabaqshada qatty jylaǵan balanyń daýsy estiletin videony joldaǵan. Áiel mektep jasyna deiingi balalardyń kóp jylaitynyn, olarǵa eshkim nazar aýdarmaitynyn aitady. Aqtaý qalalyq bilim bólimi video jariialanǵan soń tekseris júrgizgenin málimdedi, - dep habarlaidy Massaget.kz portaly.
Aqtaý qalalyq bilim bólimi ókilderi jekemenshik balabaqshany tekserý qorytyndysyn jariialady.
"Mán-jaidy anyqtaý barysynda, bala anasy ketkennen keiin jańadan qabyldanǵan tárbielenýshiler arasynda beiimdelý kezeńinen ótip, jylap jatqany anyqtaldy. Muǵalim birden balany tynyshtandyrýǵa kiristi. Sol ýaqytta anasyna telefon soǵyp, balasynyń jaǵdaiyn eskertken. Anasy kelgenge deiin balany qolyna alǵan muǵalim ony jubatqan. Sondai-aq kez kelgen bala balabaqshaǵa barǵan kezde beiimdelýden ótetinin atap ótken jón", - dedi ministrlik ókilderi.
Buǵan deiin áiel Lada.kz saitynyń redaktsiiasyna video joldaǵan. Onyń aitýynsha, balabaqshada balalar kóp jylaidy.
"Bul balabaqshada áli sóilei almaityn kishkentai búldirshinder bar, olar 30-40 minýt jylai beredi, tárbieshiler olardy jubatpaidy. Men jaqyn jerde turamyn, kóshede otyrý múmkin emes, balalardyń jylaǵan daýsynan júregim aýyrady", - deidi Aqtaý turǵyny.
