kollaj: Tengrinews.kz
Belgili sportshy Dáýlet Turlyhanovtyń uly Nurasyl Bolattyń er adam men áieldi urǵany túsirilgen video jariialandy, - dep habarlaidy Tengrinews.kz.
Eske salaiyq, oqiǵa 11 aqpanǵa qaraǵan túni Almatydaǵy saýda ortalyqtarynyń biriniń janyndaǵy kólik turaǵynda bolǵan. Onyń barysynda qyzdy jaqtaýǵa tyrysqan erli-zaiyptylar Anna Dmitrievich pen Oleg Chernov zardap shekken.
Jariialanǵan kadrlardan jas jigittiń aldymen er adamdy urǵanyn, sodan keiin Annanyń betine soqqy jasaǵanyn kórýge bolady.
Anna Dimitrievich video áleýmettik jelilerde taraǵan soń, Instagram-daǵy paraqshasynda jariialaǵanyn málimdedi. Ol beinejazba ózinde, jubaiynda jáne Almaty Bostandyq aýdany PB politsiia qyzmetkerlerinde bolǵanyn aitady.
"Videony taratý bizdiń bastamamyz emes ekenin birden aitaiyn. Keibir pikir jazýshylar biz depýtattyń balasy turǵan jerge qalai tap bolǵanymyzdy surapty. Ol áskerde bolǵan, al biz óz jolymyzben basqa orynda demaldyq.
Al endi negizgi suraqty men qoiaiyn. Nurasyldy Almatyǵa 200 shaqyrymdai jerdegi áskeri bólimnen biz demalyp jatqan jerdiń qasyna kim alyp keldi, qalai jetti?
Aitpaqshy, kóshe kameralarynan túsirilgen videony zerttei otyryp, janjal biz kelgenge deiin bastalǵanyn kórýge bolady", - dep jazdy Dmitrievich Instagram jelisinde.
Eske salaiyq, Dáýlet Turlyhanovtyń uly 11 aqpanǵa qaraǵan túni shabýylǵa ushyraǵan jas qyzǵa kómektesýge tyrysqan qazaqstandyq zańgerler Anna Dimitrievich pen Oleg Chernovqa qol kótergen.
Nurasyl Bolatqa qatysty QR QK-niń 107-babynyń 2-bóligi, iaǵni "Eki jáne odan da kóp adamǵa qatysty densaýlyqqa qasaqana aýyrlyǵy ortasha ziian keltirý" boiynsha tergeý júrgizilip jatyr.
