Shymkent politseileri kúzetshimen janjaldasqan áiel kim ekenin anyqtady. Jelide ol prokýrordyń áieli ekeni aitylǵan, - dep habarlaidy Massaget.kz.
Áleýmettik jelilerde "Qyzylorda oblysy prokýrorynyń áieli kúzetshige qoqan-loqy jasady" degen aqparat tarap jatyr. Osy derek boiynsha 19 shildede Shymkent Politsiia departamenti ál-Farabi aýdandyq politsiia basqarmasyna "Kúzet" qyzmetkerinen 15 shildede saǵat 14.00-de JShS ǵimaratynda kúzetshilerge til tigizip, qorlaǵan belgisiz qyzdy jaýapkershilikke tartý týraly aryz túsken.
"Politseiler áieldiń kim ekenin anyqtady. Ol - 1984 jyly týǵan jergilikti turǵyn, buryn D.-ǵa turmysqa shyqqan, al ol prokýratýra qyzmetkeri emes. Qazir áiel resmi túrde eshkimmen nekede turmaidy", - dep túsindirdi qalalyq Politsiia departamentiniń baspasóz qyzmeti ókili.
Tártip saqshylary áieldi Ákimshilik quqyq buzýshylyq týraly kodekstiń 434-baby boiynsha ákimshilik jaýapkershilikke tartý boiynsha sharalar qabyldamaq.
