Tanymal satý - satyp alý saitynda Talǵar aýdanynda ornalasqan mektep múlki satylymǵa qoiylǵan, - dep habarlaidy Massaget.kz.
Habarlamada Talǵar aýdany Gúldala aýylyndaǵy № 21 mekteptiń eski terezeleri satylatyny jazylǵan. Bir tereze 30 myń teńgege baǵalanǵan. Sonymen qatar, satylymǵa kitap oqýǵa arnalǵan lampalar da qoiylǵan.
Ákimdik ókilderi mektepte 2022 jyldyń naýryzynan jóndeý jumystary júrip jatqanyn rastady. Merdigermen 1 millilard 142 million teńgege kelisimshart jasalǵan. Búginde demontaj jumystary bitken, endi qurylys-montaj jumystary júrgizilip jatyr eken.
"Joba boiynsha barlyq jumys isteldi, onyń ishinde, terezeni jáne lampalardy aýystyrý jumystary da bar. Merdiger uiymnyń málimetinshe, habarlamany jariialaǵan Bekzat JShS-da istemeidi, sáikesinshe, onyń merdiger uiymǵa qatysy joq. Ótip bara jatqan kez kelgen adam sýretke túsirip alýy múmkin. Nysanǵa kún saiyn jumys izdep júzdegen adam keledi", - dedi Talǵar aýdandyq bilim bóliminiń ókilderi.
Merdiger uiymda habarlamaǵa bailanysty ishki tergeý júrgizilmek. Habarlamany kim jariialaǵany anyqtalǵan jaǵdaida jumystan qýylady.
