© instagram/taldykorganec.insta
Beisenbide áleýmettik jelide Taldyqorǵan qalasynyń ákimi Áset Masabaevtyń aspanǵa myltyq atqan videosy paida boldy, - dep habarlaidy Tengrinews.kz.
Osylaisha, ákim BAQ ókilderin kele jatqan kásibi merekemen quttyqtaýdy jón kórgeni belgili boldy. Ákim jýrnalister men blogerlerdi demalýǵa shaqyryp, nysanǵa atýdan jarys uiymdastyrǵan.
Video jergilikti Instagram-pablikterde tarap, talqyǵa tústi. Keibir qoldanýshylar Masabaevtyń bastamasyn qoldasa, endi biri ákimge mańyzdyraq máselelermen ainalysý kerek ekenin aitqan.
Taldyqorǵan ákiminiń baspasóz qyzmeti jazba týraly aityp, Tengrinews tilshisine jaýap berdi.
"Qala ákimi Áset Masabaev BAQ qyzmetkerleri arasynda oq atýdan týrnir ótkizdi. Bul jerde synaityndai eshteńe joq, BAQ ókilderiniń demalysy. Ákim sonda baryp, jergilikti jýrnalister men blogerlerdi quttyqtady. Atys arnaiy aimaqta ótti. Osyndai is-sharalar BAQ-tyń rýhyn, komandalyq kúshin kóterý úshin qajet dep oilaimyn", - dep túsindirdi qala ákiminiń baspasóz qyzmeti ókilderi videoǵa qatysty.
