© instagram/taldykorganec.insta
بەيسەنبٸدە ەلەۋمەتتٸك جەلٸدە تالدىقورعان قالاسىنىڭ ەكٸمٸ ەسەت ماساباەۆتىڭ اسپانعا مىلتىق اتقان ۆيدەوسى پايدا بولدى, - دەپ حابارلايدى Tengrinews.kz.
وسىلايشا, ەكٸم باق ٶكٸلدەرٸن كەلە جاتقان كەسٸبي مەرەكەمەن قۇتتىقتاۋدى جٶن كٶرگەنٸ بەلگٸلٸ بولدى. ەكٸم جۋرناليستەر مەن بلوگەرلەردٸ دەمالۋعا شاقىرىپ, نىسانعا اتۋدان جارىس ۇيىمداستىرعان.
ۆيدەو جەرگٸلٸكتٸ Instagram-پابليكتەردە تاراپ, تالقىعا تٷستٸ. كەيبٸر قولدانۋشىلار ماساباەۆتىڭ باستاماسىن قولداسا, ەندٸ بٸرٸ ەكٸمگە ماڭىزدىراق مەسەلەلەرمەن اينالىسۋ كەرەك ەكەنٸن ايتقان.
تالدىقورعان ەكٸمٸنٸڭ باسپاسٶز قىزمەتٸ جازبا تۋرالى ايتىپ, Tengrinews تٸلشٸسٸنە جاۋاپ بەردٸ.
"قالا ەكٸمٸ ەسەت ماساباەۆ باق قىزمەتكەرلەرٸ اراسىندا وق اتۋدان تۋرنير ٶتكٸزدٸ. بۇل جەردە سىنايتىنداي ەشتەڭە جوق, باق ٶكٸلدەرٸنٸڭ دەمالىسى. ەكٸم سوندا بارىپ, جەرگٸلٸكتٸ جۋرناليستەر مەن بلوگەرلەردٸ قۇتتىقتادى. اتىس ارنايى ايماقتا ٶتتٸ. وسىنداي ٸس-شارالار باق-تىڭ رۋحىن, كوماندالىق كٷشٸن كٶتەرۋ ٷشٸن قاجەت دەپ ويلايمىن", - دەپ تٷسٸندٸردٸ قالا ەكٸمٸنٸڭ باسپاسٶز قىزمەتٸ ٶكٸلدەرٸ ۆيدەوعا قاتىستى.
