Qaznet qoldanýshylary adamdardy «Spýtnik-V»-men vaktsinatsiialaý zańsyz, sebebi preparatty QR aýmaǵynda tirkeý osy jyldyń 15 qazanynda aiaqtaldy degen aqparat taratýda. Bul - jalǵan, dep habarlaidy "Ult aqparat" Stopfake.kz saityna silteme jasap.
Vaktsinany tirkeý merziminiń ótkendigi týraly aqparatty QR Densaýlyq saqtaý ministrligi joqqa shyǵardy.
– QR DSM MjFBK buiryǵyna sáikes, SARS-CoV-2 virýsy týdyratyn koronavirýstyq infektsiianyń aldyn alýǵa arnalǵan quramdastyrylǵan vektorlyq vaktsina – Gam-KOVID-Vak vaktsinasyna berilgen ýaqytsha tirkeý kýáligi 2022 jylǵy 1 qańtarǵa deiin uzartyldy, – dep habarlady vedomstvodan.
Demek, qazaqstandyqtardyń bul vaktsinamen egilýi zańdy. Esterińizge sala keteiik, preparat klinikaǵa deiingi jáne klinikalyq zertteýlerdiń barlyq qajetti kezeńderinen ótti jáne COVID-19 aldyn alýdyń tiimdi jáne qaýipsiz quraly bolyp tabylady.
Iaǵni, Qazaqstanda «Spýtnik-V» tirkeý merzimi aiaqtalǵany týraly aqparat feik bolyp tabylady.
