Sodan keiin er adam politsiia qyzmetkerinen aiaǵyn esiginen tartýdy, sondai-aq, betperdesin alyp tastaýdy talap etedi.
"Aiaǵyńyzdy tartyńyz, bul - meniń menshigim", - deidi er adam.
"Adam siiaqty sóileseiik. Atyńyz kim?"- deidi ýchaskelik politsiia qyzmetkeri.
"Meniń atym? Patsha Roman Aleksandrovich. Patsha, patsha, estip tursyń ba, qyzmetshi? Sen - meniń qyzmetshimsiń, men saǵan aqsha tóleimin. Eger men bolmasam, nan jemes ediń", - deidi ol.
Óskemen qalasynyń Politsiia basqarmasy bul oqiǵa qalada bolǵanyn rastady. Videodaǵy qyzmetker - Ertis aýdandyq Politsiia bóliminiń ýchaskelik politsiia kapitany Aleksei Balandin. 20 qańtarǵa qaraǵan túni ol kezekshilikte bolǵan. Politsiiaǵa kórshilerinen tynyshtyqty buzǵanyn aitqan shaǵymdar túsken. Sondai-aq, sol keshte Alekseidiń qyzýy kóterilip turǵan.
"Kelgen kezde bizge mas adam esik ashyp, kameraǵa túsire bastady. Kún saiyn osyndai jaǵdaiǵa tap bolamyz jáne basty mindetimiz - azamattardyń tynyshtyǵyn qorǵaý ári qandai da bir oqiǵanyń aldyn alý", - dep túsindirdi Aleksei Balandin.
Óskemen qalasynyń Politsiia basqarmasy ókili bul azamatqa qatysty QR ÁQBtK-niń 437-baby ("Tynyshtyqty buzý") boiynsha ákimshilik hattama toltyrylǵanyn, onyń sanktsiiasy besten onǵa deiingi ailyq eseptik kórsetkish túrindegi jazany kózdeitinin málimdedi.
