
Áleýmettik jelilerde Nur-Sultandaǵy saýda jáne oiyn-saýyq ortalyqtarynyń birinde tóbeles shyǵarǵan er adamdardyń videosy tarap jatyr. Elordalyq politsiia departamenti oqiǵaǵa qatysty túsinik berdi, - dep habarlaidy Tengrinews.kz tilshisi.
Áleýmettik jelilerdegi jariialanym avtory 9 qarashada 17 jastaǵy eki qyz "Kerýen" saýda jáne oiyn-saýyq ortalyǵynda serýendep júrgende, olarǵa beitanys jigitter qyryndaǵanyn aitty. Qyzdardyń biri 19 jastaǵy aǵasyna qońyraý shalyp, shaqyrǵany, sodan jigitter arasynda janjal shyqqany habarlandy.