Ózbekstan TJM jedel jasaqtary keshe keshqurym Qaraqalpaqstannyń astanasy Nókis qalasynda bolǵan shańdy daýyldyń zardaptaryn joiý jumystarymen ainalysyp jatyr, dep habarlaidy "Ult aqparat".
Ózbekstan TJM derekterine qaraǵanda, 14 maýsymda jergilikti ýaqytpen 20.32-den 20.38 aralyǵynda soqqan shańdy daýyldyń jyldamdyǵy sekýndyna 23 metrge jetken.
Paidalanýshylar qaladaǵy ǵimarattardyń shatyrlaryn ushyryp áketken tabiǵi apattyń fotolary men videolaryn áleýmettik jelilerge júkteýdi jalǵastyrýda.
«Jedel jasaq búgin de daýyl saldaryn joiý jumystaryn jalǵastyryp jatyr. Olar kóshelerdi úi jabyndylarynan, qulaǵan aǵashtardan, zaqymdalǵan mashinalardan tazartýda. Qaza tapqandar men zardap shekkender joq», - dep málim etti TJM ókili.
