Elbasynyń baspasóz hatshysy Aidos Úkibai Qazaqstannyń Tuńǵysh Prezidenti Nursultan Nazarbaevtyń fitnes qurylǵysyndaǵy kórsetkishti jariialady.
"Nursultan Nazarbaev úshin salaýatty ómir saltyn ustaný - únemi basty nazarda. Ázerbaijanǵa sapary barysynda ýaqyttyń tyǵyz bolýyna qaramastan, Elbasy serýendep úlgerdi. Ol Kaspii jaǵalaýynda shamamen tórt jarym shaqyrym jaiaý júrip ótti", - dep jazdy Aidos Úkibai óziniń Twitter-degi paraqshasynda.
Fitnes qurylǵynyń kórsetkishine sáikes, Nursultan Nazarbaev qashyqtyqty 1 saǵat 16 minýt ishinde júrip ótken. Tynyshtyq kúiindegi júrek qaǵysy – minýtyna 71 ret, qozǵalysta – 82 ret.
Eske sala ketsek, biyl 6 shilde kúni Qazaqstannyń Tuńǵysh Prezidenti 79 jasqa toldy. Qazirgi ýaqytta ol - Qazaqstannyń Qaýipsizdik Keńesiniń tóraǵasy.
Elbasy 14-15 qazan kúnderi Bakýdegi Túrki keńesiniń VII sammitine qatysty. Birqatar ekijaqty kezdesý ótkizdi.
