Kaliforniiadaǵy aýrýhanalardyń birinde medbike bolyp jumys isteitin Gaiane Chýhlantsevtiń TikTok-ta video jariialady. Onda ol adamdardy beiǵam bolmaýǵa shaqyrady, - dep habarlaidy kaz.tengrinews.kz RIA Novosti agenttigine silteme jasap.
Medbike koronavirýs juqtyrǵan naýqastardy emdeitin intensiv terapiia bóliminde jumys isteidi eken. "Qyzyl aimaqta" jumys istep júrgen Gaiane Chýhlantsevtiń áserli videosy jurttyń júregin eljiretti.
Ol kóz jasyna erik berip, aýrýhana qyzmetkerleri qanshalyqty aýyr jaǵdaida jumys istep júrgenin aityp berdi.
"Bizde naýqastar úshin ókpeni jasandy tynys aldyrý apparaty joq. Tipti, olardy tynyshtandyratyn dári de joq. Naýqastar shybyn siiaqty ólip jatyr", - deidi medbike.
Onyń aitýynsha, aýrýhana qyzmetkerleri shamasynsha eńbek etip jatyr. Alaida olar naýqastardy emdep úlgere almai jatyr. Sebebi, árbir meditsina qyzmetkeri shamamen 40 naýqasty qarap júr eken.
"Bul soǵysqa uqsaidy. Biz kómek surap jatyrmyz, biraq kómek joq", - deidi Chýklantsev.
