Qazaqstan Prezidentiniń baspasóz hatshysy Berik Ýáli Qasym-Jomart Toqaevtyń oqýshy kezindegi sýretterin jariialady, dep habarlaidy QazAqparat tilshisi.
«Óz ómirinde talai emtihandy sátti tapsyrǵan Qazaqstan Prezidenti túlekterge sáttilik tiledi». Facebook paraqshasyna Memleket basshysynyń eski sýretterin júktegen Berik Ýáli osylai dep jazdy.
Eske sala keteiik, búgin UBT-nyń birinshi legi bastaldy. Kezekti testileý respýblika boiynsha 1188 aýditoriiada ótedi. Oǵan qatysýǵa 117 242 talapker ótinish bergen.
Prezident buǵan deiin jaýapty memlekettik organdarǵa UBT-ny zańǵa sáikes ótkizýdi tapsyrǵan bolatyn.
