Qaznette qaraǵandylyq joǵary sanatty dáriger jáne kafedra meńgerýshisi jazǵan aýdiojazba taratylýda. Onda «Spýtnik-V» vaktsinasyn klinikalyq synaýdyń úshinshi kezeńi biylǵy jyldyń mamyr aiynda ǵana bastalǵany, iaǵni áli aiaqtalmaǵany týraly aitylǵan. Sondai-aq, habarlama avtory vaktsinalar bedeýlikke ákeledi jáne densaýlyqqa qaýipti dep málimdeidi. Bul jalǵan. Bul týraly stopfake.kz saity habarlady.
Qaraǵandyda bir ǵana meditsina ýniversiteti bar. Tiisinshe, kafedra meńgerýshileri joǵary sanatty dárigerler sonda ǵana jumys isteidi. Alaida, Qaraǵandy meditsina ýniversitetiniń baspasóz qyzmeti qyzmetkerlerdiń eshqaisysy mundai málimdeme jasamaǵanyn habarlady.
«Qoldanýshylardyń biri aýdiojazbany kafedra meńgerýshisi jazǵan dep aitqan. Biraq ol bizdiń ýniversitetten emes», – dep habarlady QMÝ baspasóz qyzmeti.
Habarlamanyń mátininde de jalǵan málimdemeler bar.
Ekinshiden, COVID-19 qarsy vaktsinalar, atap aitqanda «Spýtnik-V», bala týý qabiletine áser etedi dep aitýǵa negiz joq. Vaktsinatsiia bedeýlikke ákelýi múmkin degen qaýesetti preparatty ázirleýshilerdiń ózderi de, Qazaqstan, Resei jáne basqa elderdiń jetekshi mamandary da joqqa shyǵardy.
Olardyń barlyǵy mundai qorqynyshqa negiz joq jáne vaktsinalar quramynda adamnyń reprodýktivti júiesine áser etetin komponentter joq dep málimdedi.
