Áleýmettik jelide qazaqstandyq ata-analardy balalaryna koronavirýsqa qarsy vaktsinalaýdan bas tartqany úshin jazalaityny, tipti ata-ana quqyǵynan aiyratyny aitylǵan video tarady.
Videony Aina Bákeeva degen áiel Nur-Sultan qalasynda ministrlikter úii mańynda túsirgen. Ol Qazaqstanda ata-analar tarapynan balalarǵa qatysty zorlyq-zombylyq faktilerin anyqtaityn jumys toptary qurylǵanyn málimdedi. Bul toptar dárigerlerdi oqytatynyn aitty. Áiel balalardy koronavirýsqa qarsy vaktsinalaýdan bas tartýdy zorlyq-zombylyq dep ataidy.
Ol Instagram paraqshasynda ózin dáriger dep, adamdardy koronavirýsqa qarsy "májbúrli vaktsinatsiiaǵa" qarsy petitsiiaǵa qol qoiýǵa shaqyrady.
"Balańyzǵa vaktsina saldyrýdan bas tartsańyz, dáriger politsiiaǵa júginedi. (...) Bul balaǵa qatysty zorlyq-zombylyq retinde qarastyrylady. Balany otbasynan alyp ketý máselesi sheshiledi", - deidi áiel.
Densaýlyq saqtaý ministrligi bul aqparatty joqqa shyǵardy, dep habarlaidy StopFake.
"Bul aqparat shyndyqqa janaspaidy. Balalarǵa jasalatyn barlyq meditsinalyq manipýliatsiialar tek ata-analardyń kelisimimen ǵana júrgiziledi", - dep habarlady densaýlyq saqtaý ministrliginiń baspasóz qyzmeti.
Aita keteiik, qazir Covid-19 infektsiiasyna qarsy vaktsina tek kámelet jasyna tolǵandarǵa ǵana salynady.
