Jelide avtobýsta múshesin ustap turǵan er adamnyń videosy tarady, - dep habarlaidy Massaget.kz portaly.
Video svetpf Qoǵamdyq qorynyń Instagram-paraqshasynda jariialandy. Bul jaǵdai Almatyda №70 avtobýsta bolǵany aitylady.
"10 jeltoqsanda adam quqyqtary kúni kem degende bir qyzdyń quqyǵy buzyldy - ol lyq toly avtobýsta kele jatqanda, er adam (foto/videodaǵy) oǵan qarap múshesin ustaǵan. Qyz QazUÝ aialdamasynan qoǵamdyq kólikke mingen. Ol qorqyp jylai bastady, biraq tańǵalarlyǵy, er adamnyń ashyq áreketi men qyzdyń kóz jasy bul avtobýsta eshkimge áser etpedi. Boijetken er adam avtobýstan túsip ketkenshe kútýge májbúr bolǵan, tek keiin syrtqa shyqqan", - delingen jazbada.
Videony Qoǵamdyq qorǵa qyzdyń anasy jibergen.
Almaty ákimdigi jáne Almaty Politsiia departamenti bul jaǵdaiǵa qatysty ázirshe pikir bildirmedi. Redaktsiia vedomstvolarǵa saýalhat joldady.
