Soltústik Qazaqstan oblysynda Óndiris aýylynyń turǵyndary eldi meken mańyndaǵy alqapta júrgen sileýsindi uialy telefonǵa túsirip aldy. Jabaiy ań bul óńirde sirek kezdesedi, dep habarlaidy QazAqparat.
Sileýsindi SQO turǵyndary Ýálihanov aýdany Óndris aýylynyń mańyndaǵy alqapta kezdestirgen. Beinejazbada jabaiy ań aýyr demalady. Ony kórgen jeli qoldanýshylary sileýsinniń ómiri úshin qorqyp, ýaiymdaryn bildirdi.
SQO tabiǵi resýrstar jáne tabiǵat paidalanýdy retteý basqarmasynyń janýarlar álemi, balyq resýrsy bólimi basshysynyń mindetin atqarýshy Mihail Nikitinniń aitýynsha, óńirde sileýsin kezdesedi. Sońǵy esep boiynsha Shal aqyn jáne Aiyrtaý aýdanyndaǵy ulttyq park aýmaǵynda 12-si júr. Al bul beinejazbadaǵy jabaiy ań Reseiden nemese kórshi Pavlodar oblysynan kelýi múmkin.
