WhatsApp jelisinde Ashyq júiesine nysandy tirkeýge kómektesetinderdiń jarnamasy tarap jatyr. "Atameken" Ulttyq Kásipkerler palatasynyń aitýynsha, habarlama taratýshylar osylai aqsha tapqysy keletin kórinedi, - dep habarlaidy Tengrinews.kz.
Jarnamada uiymdar men mekemelerdi Ashyq júiesine tirkeý jáne arnaiy QR-kod alyp berý qyzmeti usynylǵan. Qyzmet quny 5 myń teńgege baǵalanǵan.
Habarlamaǵa qatysty Nur-Sultan kásipkerler palatasy direktorynyń quqyqtyq máseleler jónindegi orynbasary Qýanyshbek Muqash pikir bildirdi.
"Iia, biz WhatsApp-ta taraǵan jarnamany kórdik, osyndai habarlandyrýlar Instagram jelisinde de paida boldy. Osy habarlamalardy taratyp júrgen nómir ielerine jeke ózim habarlasyp, bulai jarnama jiberý durys emes ekenin, adamdar durys túsinbeitinin túsindirdim.
Olar tek qujattardy, ótinimderdi rásimdeý úshin kómek kórsetetinin aitty. Bular tek InfoKazakhstan.kz portaldaryn qalai paidalaný keregin jaqsy biletin adamdar. Olar aqsha tabýdy ǵana kózdeidi. Men olarǵa habarlandyrýdy ózgertip, tek kórsetken qyzmetteri úshin ǵana aqsha alatynyn jazýy keregin túsindirdim. Ashyq-qa tirkelý jáne QR-kodty alý tegin. Olar bizdiń shaǵymdarymyzdy qabyldap, túzetýge ýáde berdi", - dedi Qýanyshbek Muqash.
Ol uiymdy Ashyq-qa tirkeý ońai ekenin aitty. Basty shart - kásipkerdiń elektron tsifrlyq qoltańbasynyń (ETsQ) bolýy.
