WhatsApp جەلٸسٸندە Ashyq جٷيەسٸنە نىساندى تٸركەۋگە كٶمەكتەسەتٸندەردٸڭ جارناماسى تاراپ جاتىر. "اتامەكەن" ۇلتتىق كەسٸپكەرلەر پالاتاسىنىڭ ايتۋىنشا, حابارلاما تاراتۋشىلار وسىلاي اقشا تاپقىسى كەلەتٸن كٶرٸنەدٸ, - دەپ حابارلايدى Tengrinews.kz.
جارنامادا ۇيىمدار مەن مەكەمەلەردٸ Ashyq جٷيەسٸنە تٸركەۋ جەنە ارنايى QR-كود الىپ بەرۋ قىزمەتٸ ۇسىنىلعان. قىزمەت قۇنى 5 مىڭ تەڭگەگە باعالانعان.
حابارلاماعا قاتىستى نۇر-سۇلتان كەسٸپكەرلەر پالاتاسى ديرەكتورىنىڭ قۇقىقتىق مەسەلەلەر جٶنٸندەگٸ ورىنباسارى قۋانىشبەك مۇقاش پٸكٸر بٸلدٸردٸ.
"ييا, بٸز WhatsApp-تا تاراعان جارنامانى كٶردٸك, وسىنداي حابارلاندىرۋلار Instagram جەلٸسٸندە دە پايدا بولدى. وسى حابارلامالاردى تاراتىپ جٷرگەن نٶمٸر يەلەرٸنە جەكە ٶزٸم حابارلاسىپ, بۇلاي جارناما جٸبەرۋ دۇرىس ەمەس ەكەنٸن, ادامدار دۇرىس تٷسٸنبەيتٸنٸن تٷسٸندٸردٸم.
ولار تەك قۇجاتتاردى, ٶتٸنٸمدەردٸ رەسٸمدەۋ ٷشٸن كٶمەك كٶرسەتەتٸنٸن ايتتى. بۇلار تەك InfoKazakhstan.kz پورتالدارىن قالاي پايدالانۋ كەرەگٸن جاقسى بٸلەتٸن ادامدار. ولار اقشا تابۋدى عانا كٶزدەيدٸ. مەن ولارعا حابارلاندىرۋدى ٶزگەرتٸپ, تەك كٶرسەتكەن قىزمەتتەرٸ ٷشٸن عانا اقشا الاتىنىن جازۋى كەرەگٸن تٷسٸندٸردٸم. Ashyq-قا تٸركەلۋ جەنە QR-كودتى الۋ تەگٸن. ولار بٸزدٸڭ شاعىمدارىمىزدى قابىلداپ, تٷزەتۋگە ۋەدە بەردٸ", - دەدٸ قۋانىشبەك مۇقاش.
ول ۇيىمدى Ashyq-قا تٸركەۋ وڭاي ەكەنٸن ايتتى. باستى شارت - كەسٸپكەردٸڭ ەلەكترون تسيفرلىق قولتاڭباسىنىڭ (ەتسق) بولۋى.
