Qazgidromet 10 shildege arnalǵan aýa raiy boljamyn jariialady, dep habarlaidy "Ult aqparat".
Respýblikanyń basym bóliginde ońtústik tsiklonnyń áserinen qubylmaly aýa raiy saqtalady. Naizaǵai jarqyldap, jańbyr kútiledi, batysta, soltústikte, soltústik-batysta jáne ortalyǵynda – qatty jańbyr jaýady.
Elimizdiń tek soltústiginde ǵana jaýyn-shashynsyz aýa raiy kútiledi. Respýblikanyń kei jerlerinde daýyl, burshaq, jeldiń kúsheiýi kútiledi, ońtústikte jáne batysta jel, shańdy daýyl kúsheiedi.
Qyzylorda, Jambyl, tańerteń jáne kúndiz Túrkistan oblystarynyń kei jerlerinde jel shańdy daýylmen birge 15-28 m/s kúsheiedi, túnde jáne tańerteń Qyzylorda oblysynyń kei jerlerinde daýyl kútiledi. Aqmola oblysynyń basym bóliginde jel 15-25 m/s kúsheiedi, kei jerlerinde burshaq, daýyl kútiledi.
Almaty, Qostanai oblystarynyń kei jerlerinde burshaq jaýady, jeldiń kúsheiýi 15-28 m/s jetedi.
Mańǵystaý, Batys Qazaqstan, Aqtóbe, túnde Atyraý, kúndiz Soltústik Qazaqstan oblystarynyń kei jerlerinde jel 15-20 m/s kúsheiedi, kúndiz Mańǵystaý oblysynyń kei jerlerinde shańdy daýyl, túnde jáne tańerteń Aqtóbe oblysynyń kei jerlerinde tuman kútiledi.
Pavlodar, Qaraǵandy, Shyǵys Qazaqstan oblystarynyń kei jerlerinde burshaq, daýyl kútiledi, jel 15-25 m/s kúsheiedi.
Kúndiz Almaty, Atyraý, Batys Qazaqstan oblystarynda, Jambyl oblysynyń ońtústiginde qatty ystyq kútiledi.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanai, Qaraǵandy, Batys Qazaqstan, Aqmola, Almaty oblystarynyń kei jerlerinde óte joǵary órt qaýpi saqtalady.
