Qazaqstannyń soltústik-shyǵys baǵytyna qarai belsendi atmosferalyq aǵymdar men Kaspii tsiklony jyljyp keledi, dep habarlaidy «Qazgidromet».
Seisenbide Qazaqstannyń ortalyǵy men ońtústik oblystarynyń kei jerlerinde jańbyr jaýady. Naizaǵai oinap, jel soǵyp, burshaq jaýýy yqtimal. Sondai-aq, respýblikanyń ortalyq jáne shyǵys oblystarynda jaýyn-shashyn túsedi.
Eldiń soltústigi men batysy Sibir antitsiklonynyń yqpalynda bolady. Bul óńirlerde jańbyr jaýyp, naizaǵai oinap, qar túsedi. Sonymen qatar, aýa temperatýrasy tómendeidi.
Birneshe óńirde eskertý jariialanǵan. 24-shi sáýirde táýlik boiy Qostanai oblysynda jeldiń jyldamdyǵy 15-20 m/s-ǵa jetedi, kei jerlerinde naizaǵai oinap, tuman kútiledi.
24-25 sáýirde Jambyl oblysynda ońtústik-batystan jel soǵady, kei jerlerde 15-20, 24 sáýir kúndiz, 25 sáýirde túnde ekpini 23-28 m/s bolady, 25 sáýirde túnde taýly aýdandarda qatty jańbyr jaýady.
Taraz qalasynda 24-25 sáýirde ońtústik-batystan jel soǵady, ekpini 15-20, 24 sáýir kúni kúndiz, 25 sáýirde túnde kei ýaqytta 23-28 m/s-ǵa jetedi dep kútiledi.
24 sáýirde Qyzylorda oblysynyń kei jerlerinde nóser jaýyn jaýady, sondai-aq 24-25 sáýirde soltústik, soltústik-batystan 15-20, ekpini 23 m/s jyldamdyqpen jel soǵady, naizaǵai oinap, tuman túsedi dep kútiledi.
