2016-2020 jyldarǵa arnalǵan Jekeshelendirý jospary 93% oryndaldy. Bul týraly QR Qarjy ministri Erulan Jamaýbaev aityp berdi, dep habarlaidy QazAqparat.
«Ótken 11 aida 10,1 trln teńgege memlekettik satyp alý rásimi kameralyq baqylaýmen qamtyldy. Tekserý qorytyndylary boiynsha 806 mlrd teńge bolatyn buzýshylyqtar eskertildi. Aýdit nysandary qyzmetiniń tiimdiligin jetildirip, arttyrý úshin 1 712 usynym berildi. Onyń ishinde 1 339-i oryndaldy», - dedi E. Jamaýbaev Úkimet otyrysynda.
2016-2020 jyldarǵa arnalǵan Jekeshelendirýdiń keshendi jospary 93%-ke oryndaldy. 2020 jyly 76 nysandy satý josparlanýda. Onyń 37-si satylymǵa shyǵaryldy.
Sonymen birge, jyl basynan beri 100,9 mlrd teńge somasynda 8 nysan satyldy, 29 nysan satylymda tur.
«7 nysan qaita uiymdastyrýǵa jáne taratýǵa jiberildi. 10 nysan jyl sońyna deiin satýǵa qoiylady. 20 nysan boiynsha iske asyrý merzimi 2021-2024 jyldarǵa aýystyryldy. 2 nysan boiynsha Jekeshelendirýdiń keshendi josparynan alyp tastaý týraly usynys maquldandy» - deidi Qarjy ministri.
