Jekeshelendirý jospary boiynsha 51 mlrd teńgege 170 nysan satyldy. Bul týraly QR Qarjy ministri Erulan Jamaýbaev aitty, dep habarlaidy QazAqparat.
«Jekeshelendirýdiń 2021-2025 jyldarǵa arnalǵan keshendi josparynda 733 nysandy satý kózdelgen. Bul kezeńde 51 mlrd teńgege 170 nysan satyldy jáne keiinnen satyp alý quqyǵymen senimgerlik basqarýǵa berildi», - dedi E. Jamaýbaev Úkimet otyrysynda.
Ministrdiń aitýynsha, 108 nysan satylymǵa qoiyldy jáne 13 nysan qaita uiymdastyrýǵa jáne taratylýǵa jiberildi. Aldaǵy ýaqytta 382 nysandy ótkizý kerek.
