Jeke turǵyn úi qurylysy úshin jer ýchaskesin alý avtomattandyrylady. Bul týraly búgin Úkimet otyrysynda QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty, dep habarlaidy QazAqparat.
«Jeke turǵyn úi qurylysy úshin jer ýchaskesin alýǵa kezekke qoiý qyzmetin alsaq, qazir ol úshin azamat qaǵaz túrinde ótinish berýi qajet. Kezekte turǵandar jáne alańdary daiyn jer ýchaskeleri týraly aqparat toqsanyna bir ret jańartylady jáne ol aqparat ár óńirde ártúrli qoljetimdi», - dedi ministr.
Sonymen qatar ol biryńǵai avtomatty túrde jańartylatyn elektrondy kezek tizilimi joq ekendigin basa aitty.
«Árine, osyndai protsester jemqorlyq qaýipterin týdyrýy múmkin jáne zamanaýi kezeńge sai kelmeidi. Ol úshin qyzmet kórsetý protsesin biryńǵai memlekettik kadastrmen elektrondy úkimet portaly arqyly avtomattandyrýy jáne biryńǵai kezek tizilimin qurýdy usynamyz», - dedi Baǵdat Mýsin.
