Elimizde jeke kýáligi joq azamattar koronavirýs indetine qarsy vaktsina saldyra ala ma? Bul suraqqa QR IIM Kóshi-qon komiteti tóraǵasynyń orynbasary Sabyrjan Seiitjanov jaýap berdi, dep habarlaidy "Ult aqparat".
«Vaktsina alǵan kezde ol azamatqa qatysty jeke málimet bazaǵa engiziledi. Ol úshin ol kisiniń JSN-i (jeke sáikestendirý nómiri) bolýy shart. Osy oraida jeke kýáliksiz vaktsina alý múmkin emes. Iaǵni ol vaktsina alǵan azamattardyń esebine kirmeidi. Sondyqtan da azamat aldymen jeke qujatyn rettegeni abzal. Osy oraida biz el aýmaǵyndaǵy jeke kýáliksiz turǵyndardy anyqtaý aktsiiasyn ótkizip, olarǵa qujatsyz eshqandai qyzmet alý múmkin emestigin túsindirip, jeke kýálik alýyna kómektesýdemiz», - dedi Sabyrjan Seiitjanov OKQ-de ótken baspasóz máslihatynda.
Onyń aitýynsha, qoǵamdy aqparattandyrý maqsatynda túsindirý jumystary júrip jatyr.
«Jalpy halyqty onyń ishinde qujatsyz júrgen azamattardy habardar etý maqstaynda, Kóshi-qon komiteti, tártip saqshylary, Úkimettik emes uiym jáne basqa quzyrly organ ókilderin tarta otyryp úgit-nasihat jáne túsindirý jumystary uiymdastyryldy», - deidi ol.
Buǵan deiin habarlaǵanymyzdai, búginde elimizde 4,6 myńnan astam adamnyń jeke kýáligi joq.
