Jeke qosalqy sharýashylyqtardy qoldaý sharalary agoónerkásip keshenin (AÓK) damytý jónindegi ulttyq jobaǵa engiziledi, dep habarlaidy "Ult aqparat" QR Aýyl sharýashylyǵy ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, statistika boiynsha Qazaqstandaǵy súttiń 75%-y jeke qosalqy sharýashylyqtarda óndiriledi. Alaida, logistikanyń jáne ortalyqtan satyp alýdyń joqtyǵynan, sondai-aq saqtaý, bastapqy óńdeý, azyqpen qamtamasyz etý jáne ainalym qarjysynyń jetispeýshiligine bailanysty jeke qosalqy sharýashylyqtardyń (JQSh) óniminiń az ǵana kólemi qaita óńdeledi.
Osy máseleni sheshý jáne JQSh-dyń múmkindikterin shoǵyrlandyrý úshin Prezidenttiń tapsyrmasymen kooperatsiia arqyly aýyl turǵyndarynyń tabysyn aýqymdy jáne tiimdi arttyrý baǵytynda Jambyl oblysynda pilottyq joba iske qosyldy.
Úkimettiń jobalyq keńsesiniń salalyq menedjerleri qazirgi ýaqytta áleýmettik-kásipkerlik korporatsiialardyń qatysýy arqyly kooperativterdi qurýdy tikelei qarjylyq jáne uiymdastyrýshylyq qoldaý boiynsha modelderdi pysyqtaýda.
«Agroónerkásiptik keshendi damytý» jónindegi Ulttyq jobanyń tujyrymdamasyn ázirleý kezinde Úkimettiń jobalyq keńsesiniń tájiribesi qoldanylatyn bolady.
