Qyrǵyzstan prezidenti Sooronbai Jeenbekov 8 tamyzda Jogorký Keneshtiń kezekten tys sessiiaynda «buǵan deiin Atambaev tergeýge kýáger retinde shaqyrylyp kelse, endi aýyr qylmysqa kúdikti retinde shaqyrylady» dedi. Bul týraly Azattyq agenttigi habarlady.
Jeenbekovtiń sózinshe, bas prokýratýra eldiń eks-prezidenti Almazbek Atambaevty tiispeýshilik statýsynan aiyryp, onyń ústinen bes qylmystyq is boiynsha sotqa deiingi tergeý amaldaryn júrgizip jatyr.
«Tergeý kezinde basqa faktiler boiynsha derekter tabyldy. Ol týraly aldaǵy ýaqytta bilesizder. Keshe Memlekettik ulttyq qaýipsizdik komiteti Atambaevty kúshpen tergeýge ákelýge tyrysqan edi, biraq onyń jaqtastary qarýly qarsylyq kórsetti. Olar zań sheńberinen shyǵyp ketti. Zardap shekkender bar, adam óldi. Bul oqiǵa boiynsha qylmystyq is qozǵaldy. Kináliler jaýap beredi.
Eger keshegi kúnge deiin Atambaevty tergeýge kýáger retinde shaqyrsa, endi oǵan asa aýyr qylmys jasaǵany úshin kúdikti retinde qaraityn bolady», - dedi Jeenbekov.
Ol Memlekettik ulttyq qaýipsizdik komiteti tóraǵasy Orozbek Opýmbaevtyń otstavkaǵa ketý týraly ótinishin qabyldamaitynyn, «jaǵdai rettelgen soń bul máselege qaita oralatynyn aitty.
Buǵan deiin Opýmbaev Koi-Tashtaǵy jaǵdaiǵa bailanysty otstavkaǵa ketýge daiyn ekenin aitqan.
7 tamyzda Bishkek ýaqytymen keshki saǵat segiz shamasynda arnaiy jasaq eks-prezident Almazbek Atambaevty ustaý operatsiiasyn bastaǵan. 8 tamyz túngi úsh shamasynda arnaiy jasaq Koi-Tashtan shyqty, Almazbek Atambaevty ustaǵan joq. Operatsiia kezinde arnaiy jasaqtyń bir múshesi qaza bolyp, 52 adam jaralanǵan.Olardyń jartysy - arnaiy jasaq ókili. Qazir 31 adam aýrýhanada jatyr. Shý aýdany ishki ister basqarmasynyń bastyǵy Samat Qurmanqulova es-tússiz jatyr. Oǵan eki ret operatsiia jasalǵan.
Atambaevtyń jaqtastary onyń úiinde arnaiy jasaqtyń alty múshesin kepildikte ustap otyr. Olar bilikten Koi-Tashqa jaryq berýdi talap etedi.
27 maýsymda Qyrǵyzstan parlamenti Almazbek Atambaevty eks-prezident jáne tiispeýshilik mártebesinen aiyrǵan. Keiin IIM Atambaevty tergeýge shaqyra bastady.
Qyrǵyzstannyń burynǵy prezidentine qyzmette júrip jemqorlyqqa jol berdi, ókiletin asyra paidalandy jáne zańsyz baiydy degen siiaqty jalpy sany bes aiyp taǵylǵan. Prokýratýra Atambaev qylmystyq toptar arasynda tanymal Aziz Batýkaevtyń zańsyz bosatylýymen bailanysty iste kýáger retinde tanylǵanyn málimdegen.
Atambaev bul aiyptardyń bárin joqqa shyǵaryp, ózin tergeýge shaqyrýdyń saiasi astary bar dep málimdegen. Ol Aziz Batýkaevty bosatýǵa qatysy joǵyn da aitady.
Atambaev Qyrǵyzstandy 2011-2017 jyldary basqarǵan. Onyń ornyna bilikke 2017 jyldyń sońynda sailaý jolymen Sooronbai Jeenbekov kelgen.
