QR Ishki ister ministri Qalmuhanbet Qasymov jedel járdem kóliginiń júrgizýshisin soqqyǵa jyqqan Túrkiia azamatyna qatysty is týraly aitty, dep habarlaidy "Ult aqparat".
Úkimet otyrysynan keiingi brifing barysynda BAQ ókilderiniń saýalyna jaýap bergen ministr Túrkiia azamatynyń jedel járdem kóligi júrgizýshisin soqqyǵa jyǵýyna bailanysty qylmystyq is qozǵalǵanyn aitty.
«Barlyq mán-jai belgili. Qazir tergeý amaldary júrgizilip jatyr. Ol aiaqtalysymen isti sotqa beremiz. Sot sheshimi boiynsha qalǵan máselelerdi, onyń ishinde elde qalýy máselesin de sheshemiz. Sot sheshimin kútýimiz qajet. Al ázirshe aldyn ala eshteńe aita almaimyz», - dedi Qalmuhanbet Qasymov.
Eske sala ketsek, Almatyda jolǵa talasqan azamat jedel járdem júrgizýshisin soqqyǵa jyqty. Sol kúni Almaty politsiiasy 1990 jyly týǵan Túrkiia azamaty Áli Demirdi, iaǵni Folksvagen Passat kóliginiń júrgizýshisin ustady. QR QK-niń 293-baby 1-bóligimen is qozǵaldy.
Birer kúnnen keiin Áli Demir kepilmen bosatyldy.
«Ol Túrkiia azamaty ekenine qaramastan ol Qazaqstan azamatshasyna úilengen. Balasy bar. Turaqty tirkelgen mekenjaiy boiynsha turady. Qylmystyq tergeý oryndarynda onyń buǵan deiin qylmys jasamaǵany anyqtalǵan», - dep atap ótken edi Almaty prokýratýrasynan.
Aita keteiik, qalalyq IID-niń tergeý basqarmasy túrkiialyq azamatty kepilmen bosatý týraly sheshimine qarsy shyqqan bolatyn.
