Kósheler men qoǵamdyq oryndarda jedel kómek shaqyrýǵa arnalǵan «SOS batyrmasy» testtik rejimde iske qosyldy. Bul týraly QR Ishki ister ministriniń orynbasary Sáken Sársenov aityp berdi, dep habarlaidy QazAqparat.
«Biz pilottyq rejimde «SOS batyrmasy» júiesin iske qostyq. Ázirge Talapker eldimekenine barar jolda testtik rejimde bir qurylǵy jumys istep tur. Bul qurylǵylar Nur-Sultan, Almaty, Shymkent jáne Túrkistan qalalarynda ornatylady. Olar saiabaqtarda, halyq kóp jinalatyn jerler men dalalarǵa bolady, turǵyndar telefony óship qalsa nemese oqys oqiǵalar bolsa, osy batyrmany basa alady. Beinejazba nemese aýdio jaqyn mańdaǵy jedel basqarý ortalyǵyna túsedi jáne kartada ornalasqan jeri kórsetiledi, eger júginýshi kómekke muqtaj bolsa, patrýldik mashina nemese jaiaý politsiia jasaǵy jiberiledi», - dedi Sáken Sársenov Nur-Sultan qalasynyń jedel basqarý ortalyǵynda tilshilerge bergen suhbatynda.
Onyń aitýynsha, «SOS batyrmasy» jobasy birneshe kompaniianyń qatysýymen memlekettik-jekeshelik áriptestik aiasynda júzege asyrylýda. Jaqyn arada onyń tanystyrylymy ótedi.
