Almaty qalasynyń ákimi Baqytjan Saǵyntaev qashan da mádeniet pen rýhaniiattyń damýyna erekshe kóńil bólip keledi. Búgin de shyǵarmalary kóptiń júreginen oryn tapqan aqyn-jazýshylardyń basyn qosyp, jiyn ótkizdi. Qazaqstan jazýshylar úiinde ótken jiynǵa eldiń betke ustar qaimaqtary jinalǵan. Olar shyǵarmashylyq ujymǵa arnaiy kelgen shahar basshysyna biraz usynysyn aitty, dep habarlaidy Almaty.tv tilshisi.
Biyl qasietti qara shańyraq sanalatyn odaqqa 85 jyl tolǵaly otyr. Torqaly toi aldynda qala ákimdigi tarapynan qoldaý kórsetiletini aityldy. Almaty ǵana emes, jalpy qazaq tarihynda alar orny erekshe Jazýshylar odaǵy ǵimaraty eskirgendikten, kúrdeli jóndeýden ótetin boldy. Ultymyzdyń damýyna úles qosqan alyptardyń izi qalǵan qasietti ordany jóndeý úshin biyl jergilikti biýdjetten 250 mln teńge qarjy bólinedi. Kelesi aptada Mádeniet basqarmasy konkýrs jariialaidy. Keiin kompaniia tańdalǵan soń, restavratsiialyq jumystar bastalady.
«Ádebiet – ardyń isi» degendei, qazirgi «Qazaq ádebieti» gazetiniń qiyn materialdyq jaǵdaiy eskerilip, mereitoilyq jylda kómek kórsetiledi», – dedi Almaty qalasynyń ákimi Baqytjan SAǴYNTAEV.
Sondai-aq, biyl qazaq ádebietiniń qara shańyraǵy – Qazaqstan Jazýshylar odaǵynyń 85 jyldyǵy. Jinalǵandardy merekemen quttyqtaǵan qala basshysy qos kitaptyń jaryqqa shyǵýyna ákimdik tarapynan qoldaý kórsetiletinin jetkizdi.
Almaty – bizdiń talai ulylardyń izi qalǵan, halyq júreginen oryn alǵan qutty meken. Sondai-aq, jastardyń súiikti qalasy ekeni anyq.
Osyǵan orai, qala ákimi jas qalamgerlerdiń shyǵarmashylyq qulshynysyn arttyrý maqsatynda qyrkúiek aiynan bastap, 30 aqyn-jazýshyǵa arnalǵan grant bólý de jospary baryn aitty. Ázirge onyń naqty somasy men kimniń oǵan qol jetkize alatyny belgisiz. Qala ákimi laiyqty jas aqyn-jazýshylardy anyqtaýdy aǵa býynǵa tapsyrdy.
