19 səýir kúni saǵat 10.00-de Qazaqstan Jazýshylar odaǵynyń Ádebietshiler úiinde dəstúrli Ədebi jyl qorytyndysyna arnalǵan jiyn ótedi. Bul týraly Qazaqstan Jazýshylar odaǵynyń baspasóz qyzmeti habarlady.
Ádebiet salasynda bir jylda jaryq kórgen kitaptar men jetken jetistikter, qazaq ádebietiniń búgingi hál-ahýaly jaiynda aitylatyn jiyn respýblikadaǵy aqyn-jazýshylar men ádebiet zertteýshileriniń hám dramatýrgterdiń basyn qosady.
Bul jiyndaǵy spikerler qatarynda Qazaqstan Jazýshylar odaǵy basqarmasynyń Tóraǵasy Ulyqbek Esdáýlet, Tóraǵanyń orynbasary, aqyn Baýyrjan Jaqyp bar.
Sondai-aq, Qazaqstan Jazýshylar odaǵynyń janrlyq keńesteri boiynsha baiandama jasaityn qalamgerler:
«Proza» boiynsha Ádildabek Salyqbai;
«Poeziia» boiynsha Nurjan Qýantaiuly;
«Balalar ádebieti» – Arasanbai Estenov;
«Ádebi syn» – Janǵara Dádebaev;
«Dramatýrgiia» – Qolǵanat Murat;
«Derekti proza» – Ótesh Qyrǵyzbaev;
«Satira» – Úmit Zulqarova;
«Uiǵyr ádebieti» – Rahmatjan Iýsýpov;
«Sheteldegi qazaq ádebieti» – Almas Ahmetbekuly;
«Aýdarma» – Zamanbek Ábdeshev;
«Orys ádebieti» – Leilia Kalaýs;
«Fantastika» – Nárbin Kenjeǵulova;
«Jastar poeziiasy» – Almas Núsip;
Jiyn sońynda 2017-2018 jyldar úshin bir top qalamgerlerge Halyqaralyq «Alash» ádebi syilyǵy tapsyrylady.
