Qazaqtyń klassik jazýshysy Rahymjan Otarbaevtyń 60 jyldyq mereitoiy Túrkiia astanasy Ankara qalasynda keńinen ataldy. Túrkiiadaǵy Qazaqstan elshiliginiń ǵimaratynda Eýraziia jazýshylar Odaǵynyń qoldaýymen jazýshynyń «Aq kóbelekter» áńgimeler jinaǵy men «Bas» romanynyń tusaýkeseri ótti. Sonymen birge «Kardes Kalemler» jýrnalynyń qalamgerdiń ómiri men shyǵarmashylyǵyna arnaǵan sanynyń da tanystyrylymy sátti jalǵasyn tapty. Kitaptardy túrik tiline jazýshy Málik Otarbaev pen ǵalym Gúlzada Temenova aýdarǵan.
Jurtshylyqpen jáne qala basshylyǵymen kezdesýdiń sońynda jazýshyny «TÜRKSOYdyń» Bas hatshysy Dúisen Qaseiinov qabyldap, mereitoi iesin quttyqtady.
El mereiin ósirgen qalamger Qazaqstan elshiliginiń «Qazaqstan-Túrkiia» baýyrlastyq medalimen jáne «TÜRKSOY» taǵaiyndaǵan «Haldun Taner» Halyqaralyq medalimen marapattaldy.
