Bilim jáne ǵylym ministrligi qashyqtan oqytýda ketken olqylyqtardyń ornyn toltyrý úshin 26 mamyr men 19 maýsym aralyǵynda jazǵy mektep jobasyn iske asyrady, dep habarlaidy QazAqparat.
Mektepke deiingi orta bilim komitetiniń tóraǵasy Maira Meldebekova BAQ ókilderine bergen suhbatynda «jazǵy mekteptiń» qatyp qalǵan formaty bolmaitynyn aitty.
«26 mamyrda jazǵy mektepter ashylady. Degenmen olqylyqty toltyrý bir ǵana jazǵy mekteptiń jumysymen shektelmeidi. Aldaǵy oqý jyldarynda igerilmegen taqyryptardy bekitý jumystary eskeriledi. Jergilikti atqarýshy organdar bar, joǵary oqý oryndary bar, peldagogikalyq kolledjderdiń úzdik shákirtteri bar. Solarmen birge keshendi jumys jasalady. Al qazirgi tańda jazǵy mektep 26 mamyrda bastalyp, 17 maýsymdy qosa alǵan kúni bitedi. Bul jerde ulttyq bilim akademiiasy 1 synyptan 11 synypqa deiingi barlyq baǵdarlamany qarap, ár pánniń qiyn taqyryptaryna taldaý jasap jatyrmyz. Sol boiynsha nusqaýlyq jasap, mektepterge usynyp otyrmyz», - dedi komitet basshysy.
Sondai-aq, ol jazǵy mektepte bilim alý erikti túrde júrgiziletinin eskertti.
Oqýshynyń úlgerimin muǵalim emes, ata-anasy baǵalap, qajet dep tapsa, qosymsha oqytýǵa jaza alady.
«Qosymsha sabaqtar ata-ananyń qalaýymen ótkiziledi. Onyń formaty da ártúrli bolady. Keibir mektepterde synyptar dástúrli formatta jumys isteýi múmkin nemese ár oqýshymen jeke jumys júrgizilýi múmkin. Iaǵni, format oqýshynyń qandai taqyrypty igermegenine bailanysty bolady», - dedi Maira Meldebekova.
