بٸلٸم جەنە عىلىم مينيسترلٸگٸ قاشىقتان وقىتۋدا كەتكەن ولقىلىقتاردىڭ ورنىن تولتىرۋ ٷشٸن 26 مامىر مەن 19 ماۋسىم ارالىعىندا جازعى مەكتەپ جوباسىن ٸسكە اسىرادى, دەپ حابارلايدى قازاقپارات.
مەكتەپكە دەيٸنگٸ ورتا بٸلٸم كوميتەتٸنٸڭ تٶراعاسى مايرا مەلدەبەكوۆا باق ٶكٸلدەرٸنە بەرگەن سۇحباتىندا «جازعى مەكتەپتٸڭ» قاتىپ قالعان فورماتى بولمايتىنىن ايتتى.
«26 مامىردا جازعى مەكتەپتەر اشىلادى. دەگەنمەن ولقىلىقتى تولتىرۋ بٸر عانا جازعى مەكتەپتٸڭ جۇمىسىمەن شەكتەلمەيدٸ. الداعى وقۋ جىلدارىندا يگەرٸلمەگەن تاقىرىپتاردى بەكٸتۋ جۇمىستارى ەسكەرٸلەدٸ. جەرگٸلٸكتٸ اتقارۋشى ورگاندار بار, جوعارى وقۋ ورىندارى بار, پەلداگوگيكالىق كوللەدجدەردٸڭ ٷزدٸك شەكٸرتتەرٸ بار. سولارمەن بٸرگە كەشەندٸ جۇمىس جاسالادى. ال قازٸرگٸ تاڭدا جازعى مەكتەپ 26 مامىردا باستالىپ, 17 ماۋسىمدى قوسا العان كٷنٸ بٸتەدٸ. بۇل جەردە ۇلتتىق بٸلٸم اكادەميياسى 1 سىنىپتان 11 سىنىپقا دەيٸنگٸ بارلىق باعدارلامانى قاراپ, ەر پەننٸڭ قيىن تاقىرىپتارىنا تالداۋ جاساپ جاتىرمىز. سول بويىنشا نۇسقاۋلىق جاساپ, مەكتەپتەرگە ۇسىنىپ وتىرمىز», - دەدٸ كوميتەت باسشىسى.
سونداي-اق, ول جازعى مەكتەپتە بٸلٸم الۋ ەرٸكتٸ تٷردە جٷرگٸزٸلەتٸنٸن ەسكەرتتٸ.
وقۋشىنىڭ ٷلگەرٸمٸن مۇعالٸم ەمەس, اتا-اناسى باعالاپ, قاجەت دەپ تاپسا, قوسىمشا وقىتۋعا جازا الادى.
«قوسىمشا ساباقتار اتا-انانىڭ قالاۋىمەن ٶتكٸزٸلەدٸ. ونىڭ فورماتى دا ەرتٷرلٸ بولادى. كەيبٸر مەكتەپتەردە سىنىپتار دەستٷرلٸ فورماتتا جۇمىس ٸستەۋٸ مٷمكٸن نەمەسە ەر وقۋشىمەن جەكە جۇمىس جٷرگٸزٸلۋٸ مٷمكٸن. ياعني, فورمات وقۋشىنىڭ قانداي تاقىرىپتى يگەرمەگەنٸنە بايلانىستى بولادى», - دەدٸ مايرا مەلدەبەكوۆا.
