Túrkistan oblysy, Sozaq aýdanynda turatyn oqýshy Serikbolsyn Amanbaiuly jazǵy demalysyna dep jinaǵan 6,5 keli teńgesin Arys qalasyndaǵy balalarǵa tartý etti. Onyń bir jyl boiy jinaǵan aqshasy 54 myń 360 teńgeni quraǵan, dep habarlaidy "Ult aqparat".
Súgir Áliuly atyndaǵy jalpy orta mekteptiń 5-shi synyp oqýshysy qomaqty aqshasyn Arys qalasynda júrgen jaýapty mamandarǵa tapsyrǵan. Jetkinshek aqshany berip jatqan kezde teńgeni ne úshin jinap júrgenin túsindirip ketken.
«Jazda demalys kezinde Shymkent qalasyna qydyramyn dep jinaǵan bolatynmyn. Biraq Arys qalasyndaǵy jaǵdaidy estip, ózim siiaqty balalarǵa bergen durys dep sheshtim» - deidi Serikbolsyn Amanbaiuly.
